Sú leiðinlega málvenja hjá starfsfólki Tryggingastofnunar ríkisinis að kalla skjólstæðinga stofnunarinar “viðskiptavini” er orðin ansi hvimleið og finnst mörgum þeirra sem undir “verndarvæng” þeirrar stofnunar það vera bæði niðurlægjandi og niðrandi að vera kallaður “viðskiptavinur” af stjórnendum hennar, enda er þar stórmunur á.
Í íslenskri nútímaorðabók er orðið “viðskiptavinur” skilgreint sem “sá eða sú sem á í viðskiptum við fyrirtæki, einkum kaupandi” en orðið “skjólstæðingur” er “sá eða sú sem stendur í skjóli einhvers, nýtur verndar einhvers, hefur einhvern að umboðsmanni”
Öryrkjar og aldraðir sem eru skjólstæðingar Tryggingastofnunar ríkisins en ekki viðskiptavinir því þeir eru ekki í neinum viðskiptum við TR heldur njóta verndar hennar og eiga afkomu sína undir því að fá greiddar þær bætur sem ríkið leggur til hverju sinni.
Það að kalla skjólstæðinga TR fyrir viðskiptavini er því bæði niðrandi og niðurlægjandi og full ástæða fyrir stjórnendur þessarar stofnunar að læra hvað orðin þýða sem þeir láta frá sér fara.
Hér, hér og hér má skoða dæmi þessara málvillna stonunarinar.
Skoðað: 1946
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
