Sex atriði samspils spillingar og stjórnmála í Samherjamálinu

Sex atriði samspils spillingar og stjórnmála í Samherjamálinu

Skoðað: 1256

Gunnar Smári Egilsson Sósíalistaforingi tekur saman sex atriði sem sýna samspil spillingar og stjórnmála og hvernig Samherjahneykslið opinberar það.

1. Íslenskir kvótagreifar múta stjórnmálafólki og embættismönnum til að fá aðgengi að auðlindum almennings og greiða fyrir það hrakvirði.
2. Samherji gerir ekki út á hinn svokallaða markað, frekar en önnur stórfyrirtæki. Starfsemi þess snýst um að komast yfir eignir almennings í gegnum spillt stjórnvöld. Eigendur stórfyrirtækja auðgast á að arðræna almenning í skóli spilltra stjórnvalda.
3. Stór hluti af arðráni auðvaldsins er dreginn upp úr samfélögunum, fluttur burt og falinn í aflöndum.
4. Í Namibíu er uppljóstrurum veitt vernd en ekki hér. Kvótakerfið þar á að tryggja að almenningur fái sannvirði fyrir auðlindir sínar, en svo er ekki hér. Ráðherrar segja af sér vegna tengsla við Samherja í Namibíu en ekki hér. Samherji greiðir hærra verð fyrir kvótann yfir borðið í Namibíu en íslenskt stjórnmálafólk innheimtir fyrir hönd almennings fyrir íslenskan kvóta. Ísland er á lista yfir ríki sem ekki hafa varnir gegn peningaþvætti og skipulagðri glæpastarfsemi, en ekki Namibía. Mútur kvótagreifa til stjórnmálafólks hafa verið afhjúpaðar í Namibíu, en ekki hér (en í rannsóknarskýrslu Alþingis kom fram hvernig einkabankarnir báru fé á stjórnmálafólk).
5. Í umræðum á þingi og í fjölmiðlum eftir sýningu Kveiks á Samherja-málinu hefur komið í ljós að stærsti hluti þingheims er á sömu línu: Þetta er einangrað mál í útlöndum, tengist samskiptum kvótagreifa við íslenskt stjórnmálafólk ekki neitt, eigi að vera til meðferðar hjá saksóknara og eigi ekkert erindi inn í almenna pólitíska umræðu. Þetta er fólkið sem þiggur mútur eða tekur línuna frá þeim sem það gera.
6. Ísland er frumstætt lýðræðisríki þar sem þau sem komist hafa yfir auðlindir almennings hafa öll völd. Það kallast oligarchy, þjófræði.

Skoðað: 1256

Umsagnir eru á ábyrgð þess sem þær skrifa

umsagnir

%d bloggers like this:

Með því að halda áfram samþykkir þú að nota smákökur. meiri upplýsingar

Stillingar vefsíðunar krefjast þess að smákökur séu notaðar til að notendur fá bestu mögulegu gæði og hraða við að skoða síðuna. Ef þú heldur áfram að nota síðuna án þess að breyta smákökustillingum þínum eða með því að smella á "Samþykkja" hér að neðan, þá ertu mögulega að missa af efni á síðunni.

Loka