Willum Þór formaður fjárlaganefndar Alþingis

Þetta andlit og þennan mann skuluð þér þekkja því þetta er andlit manns sem situr á alþingi íslendinga og er formaður fjárlaganefndar.
Þetta er maður sem lagði það til að lækka framlög til málefna öryrkja um 1,1 milljarð króna.
Sjálfur talar Willum um að þetta sé ekki lækkun heldur að framlög til öryrkja verði “hækkuð” um 2,9 milljarða í stað fjögurra milljaraða eins og áætlað hafi verið í upphafi.
Orðhengilsháttur, útúrsnúningur og bullandi vörn hins siðblinda manns kemur best fram í svarinu frá honum og það sem verra er, að MBL, málpípa Sjálfstæðisflokksins lepur þetta upp eftir honum meðan aðrir fjölmiðlar hafa þó manndóm í sér til að segja hlutina eins og þeir eru, þetta er lækkun, niðurskurður og Willum má segja hvað sem honum sýnist en hann lýgur nú samt.

„Þó að til­lög­urn­ar yrðu til­bún­ar í janú­ar eða fe­brú­ar sjá menn að það yrði ekki hægt að nýta alla heim­ild­ina á ár­inu, svo að við hliðrum til. Í staðinn fyr­ir að auka fram­lög um fjóra millj­arða eru þau auk­in um 2,9 millj­arða. Það er ekki verið að taka neitt af, því af­gang­ur­inn hliðrast til 2020. Þetta er nagl­fast í rík­is­fjár­mála­áætl­un og þetta fjár­magn er eyrna­merkt þessu verk­efni,“ seg­ir Will­um.

Þessar aðgerðir sem Willum boðar til og sem fjárlaganefnd mun að öllum líkindum samþykkja sýnir og sannar enn einu sinni hvernig illa innrættir þingmenn ráðast alltaf á veikasta fólkið í landinu.  Fólk sem getur ekki varið sig gagnvart svona siðblindum sérhagsmunaseggjum auðvaldsins.

Við skulum muna desember 2015 þegar þingmenn og ráðherrar fengu afturvirkar hækkannir í 10 mánuði á sín launakjör en á sama tíma var verið að ræða aukafjárlög þar sem öryrkjar og aldraðir báðu um leiðréttingu á sínum kjörum til samræmis við lög um almannatryggingar en ráðamenn þjóðarinnar neituðu þeim um örfáa þúsundkalla til að geta haldið jól meðan þeir sjálfir fengu hundruði þúsunda á silfurfati á einu bretti.

Willum var einn af þeim sem sagði nei við því að örykjar fengu þá hækkunn og nú kemur hann með þetta, þremur árum seinna þegar fólk er að fara undirbúa jólin.
Willum er ekki þingmaður almennings heldur auðvaldsins.

Skoðað: 3134

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.