Baráttan heldur áfram!
Laugardaginn 7. desember 2019 frá klukkan 14:00 til 15:00
Við krefjumst enn að:
* Sjávarútvegsráðherra segi tafarlaust af sér embætti.
* Alþingi lögfesti nýja og endurskoðaða stjórnarskrá sem landsmenn sömdu sér og samþykktu í þjóðaratkvæðagreiðslu 2012. – Að sjálfsögðu með því auðlindaákvæði sem kjósendur samþykktu.
* Arður af nýtingu sameiginlegra auðlinda landsmanna renni í sjóði almennings til uppbyggingar samfélagsins og til að tryggja mannsæmandi lífskjör allra.
Við mótælum!
Ráni á auðlindum
Almenningur í Namibíu er rændur af íslenskri stórútgerð. Almenningur á Íslandi errændur arðinum af auðlindum sínum. Tugir milljarða eru færðir árlega í vasa stórútgerða sem ættu að renna í sjóði almennings til uppbyggingar samfélagsins.
Óréttlæti og spillingu
Óréttlætið þrífst í skjóli úreltrar stjórnarskrár og pólitískrar spillingar. Stjórnmálaflokkar standa auðsveipir gagnvart sérhagsmunum örfárra sem náð hafa heljartaki á þjóðlífinu í skjóli lögverndaðs arðráns og ofsagróða. – Fjárhagsleg samskipti stórútgerða og stjórnmálamanna og stjórnmálaflokka þarf að rannsaka og skera upp herör gegn skattaskjólum og peningaþvætti.
Aðför að lýðræði
Alþingi bað landsmenn um tillögur að nýrri stjórnarskrá. Alþingi fékk umbeðnar tillögur og boðaði til þjóðaratkvæðagreiðslu um þær. Yfir 2/3 hlutar kjósenda (67%) samþykktu að tillögurnar skyldu verða grundvöllur nýrrar stjórnarskrár. Síðan eru liðin sjö ár! Grafið er undan lýðræði í landinu með þjónkun við sérhagsmuni og ógnandi vanvirðingu gagnvart lýðræðislegum vilja kjósenda og endurteknum tilræðum við nýju stjórnarskrána.
Dagskrá:
* Drífa Snædal, forseti ASÍ
* Bragi Páll, rithöfundur
* Þorgerður María Þorbjarnardóttir, frá Ungum Umhverfissinnum
* Krakkaveldi
* Hemúllinn
Fundarstjóri:
Katrín Oddsdóttir, formaður Stjórnarskrárfélagsins
Aðstandendur:
Stjórnarskrárfélagið,
Efling stéttarfélag,
Öryrkjabandalag Íslands,
VR stéttafélag,
Samtök kvenna um Nýja stjórnarskrá,
Gagnsæi, samtök gegn spillingu,
Ung vinstri græn,
Ungir píratar,
Ungir jafnaðarmenn,
Ungir sósíalistar
og hópur almennra borgara og félagasamtaka
Skoðað: 4609
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
