Það er með ólíkindum að landbúnaðarráðherra skuli nú vera kominn í hóp þeirra ráðherra sem fara með hrein og klár ósannindi í ræðustól Alþingis og hreinlega ljúga að samþingmönnum sínum sem og landsmönnum öllum þegar hann ræðir um nýja búvörusamninginn milli ríkis og bænda eins og fréttavefur Vísis greinir frá.
Sigurður Ingi Jóhannsson landbúnaðarráðherra sagði meðal annars:
Og svo er spurt; hefur þessi stuðningur verið góður? Já hann hefur verið góður. Hann hefur komið neytendum verulega til góða. Í EuroStat í desember 2015 var matarverð á Íslandi það lægsta á Norðurlöndunum. Þannig að þetta hefur gengið eftir.
Eftir að hafa þrælast í gegnum EuroStat í leit að upplýsingum sem Sigurður talar um hefur undirritaður ekki haft erindi sem erfiði en getur hins vegar bent á að hann hefur undir höndum fjölda kassakvittana frá fólki búsettu út um alla Evrópu en þó aðalega á Norðurlöndunum sem sýna og sanna að Sigurður fer ekki með rétt eða satt mál enda vita þeir íslendingar sem hafa ferðast erlendis eða búa þar og hafa búið, að verðlag á landbúnaðarafurðum er allt að helmingi til þrisvar sinnum lægra þar en hér.
Hvaða tilgangi þjónar þá svona málflutningur eins og Sigurður er uppvís að?
Er ræðustóll alþingis orðinn að einhverjum morfís ræðustól þar sem þingmenn og ráðherrar stjórnarflokkana keppast við að ljúga sem mestu til að ganga í augun hver á öðrum af því þeir vita að þeir eru löngu búnir að fá rauða spjaldið hjá þjóðinni?
Það væri nær að landbúnaðarráðherra segði bara satt og rétt frá staðreyndum, að hér á landi er eitt hæsta matarverð í allri Evrópu og þó víðar væri leitað.
Skoðað: 6460
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
