Skoðað: 871

Í dag, laugardaginn 9. apríl klukkan tvö hefur verið boðað til mótmæla fyrir framan tómt alþingishúsið við Austurvöll enda Alþingi komið í páskafrí og kemur ekki aftur saman fyrir en eftir þrjár vikur.  Þingmenn og ráðherrar eru þegar flúnir á vit ævintýra og skemmtana þar sem þeir geta eytt ofurlaunum sínum á kostnað landsmanna.

Það er nokkuð ljóst að öryrkjar eru ekki að fara að gera neitt, þeir þurfa áfram að bora í nefið og borða það í boði Katrínar og Bjarna sem eru nýbúin að selja banka með ólögmætum hætti en sennilega notar Sigurður Ingi pásafríið til að hefna sín á svörtum rollum eftir að upp komst um rasísk ummæli hans gagnvart formanni bændasamtakanna á dögunum.  Páskamatur Sigurðar verða því svört svið.

Bjarni Ben mun sennilega eyða fríinu sínu í Florida í Bandaríkjunum með föður sínum þar sem þeir munu fagna vel heppnaðri sölu Íslandsbanka og enn hagstæðari kaupum á hlut í honum sem færði fjölskyldu Bjarna og föður hans það margar millur í vasann að þeir drekka dýrasta kampavínið alla páskana á kostnað íslensks almennings.

Katrín mun gera það sem hún gerir best.  Loka sig af og þegja þangað til stormurinn gengur yfir.  Síðan kemur hún eftir páskana, brosir sínu falska brosi og snýr út úr.

Nei endilega komið saman á Austurvelli fyrir framan steinkummbalda spillingar, óheiðarleika, lyga og svika þar sem ekki nokkur sála er til staðar og mótmælið ykkur hás.  Það er hinn íslenski háttur í stað þess að gera þetta almennilega og eins og aðrar þjóðir.

Leggið niður vinnu og mætið eftir páska þegar alþingi er að störfum, verið með öflug hátalarakerfi þannig að þingheimur komist ekki hjá því að heyra í ykkur og bendið á lögbrot Bjarna og ríkisstjórnarinnar og eins viðurlögum við þeim brotum, ráðherraábyrgð og hvaða dóm ráðherra gæti fenið yrði hann sakfelldur og gerið þetta þannig að eftir sé tekið en ekki gólandi á laugardegi fyrir utan tóman kofann þegar enginn er heima.

Skoðað: 871

Umsagnir eru á ábyrgð þess sem þær skrifa

umsagnir