Launaþjófnaður er vaxandi vandamál sem þarf að stoppa. Engin viðurlög eða sektir eru við því að stela launum fólks

Atvinnurekendur brjóta lög og stela af launafólki, einkum þeim sem eru veikastir fyrir eða ungt fólk og útlendingar. Þetta er sívaxandi vandamál en viðurlög engin svo atvinnurekendur geta haldið áfram að stela eins og ekkert sé. Hjalti Tómasson vinnueftirlitsmaður og Halla Gunnarsdóttir framkvæmdastjóri ASÍ mæta á Kaffistofuna til skrafs og ráðagerða.

Ríkisstjórnin virðist ekkert vilja gera í þessum málum eins og til dæmis með lagasetningum sem koma í veg fyrir þá skipulögðu glæpastarfsemi að stela kerfisbundið launum af vinnandi fólki og setja stórar sektir á þau fyrirtæki eða einstaklinga sem kerfisbundið ræna launum af starfsfólki sínu.

Fólk er hrætt við atvinnurekendur. Þorir ekki að segja frá. Rasismi, ógnandi atvinnurekendur, skipulögð glæpastarfsins, þrælahald, mannsal, “komdu með mér í pottinn”, dómskerfið dæmir atvinnurekendum í hag, engin viðurlög, atvinnurekendur geta haldið áfram að stela, skattsvik, aukin eftirspurn eftir ódýrasta vinnuaflinu og eftirlitsstofnanir gera lítið sem ekkert. Allt þetta og miklu meira kemur við sögu í þessum þætti Kaffistofunnar um launaþjófnað.

Í myndbandinu hér að neðan lýsir Hjalti Tómasson því mjög vel hvernig allt er reynt til að stela launum af fólki td. með himinhárri húsaleigu í húsnæði sem varla væri bjóðandi skepnum þar sem mörgum er hrúgað saman í rými sem í raun ætti bara að vera fyrir eina manneskju, allskonar gjöld og álögur sem standast enga skoðun þegar upp er staðið.

Horfið og hlustið á viðtalið hér að neðan því Hjalti sem vettvangsmaður til fjölda ára þekkir þetta allt saman.

Skoðað: 3013

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.