Enn hleðst í sarpinn hjá Sjúkratryggingum Íslands og í þetta sinn er það sprungið dekk sem ekki er hægt að laga vegna frámunalega heimskulegra reglna Sjúkratryggina.
Nú er það svo að þó að það séu sömu dekk undir hjólastólum og eru undir reiðhjólum þá þarf samt sem áður að sérpanta dekkin undir þá þar sem reiðhjólaverkstæði eru ekki viðurkenndir birgjar hjá Sjúkratryggingum.
Skessuhorn fjallar um málið þar sem um er að ræða mann að nafni Andrés Ólafsson en hann býr á Hvanneyri í Borgarfirði og hann segir að þjónustan hafi farið hríðversnandi og þjónustustigið og eftirfylgni sé mun lakari en áður var og fari bara versnandi.
Eftir bílveltu fyrir tíu árum hefur hann verið bundinn í hjólastól. Andrés á bíl og getur ekið þangað sem hann vill, en er engu að síður háður útistólnum, sem hann segir í hlutverki fótanna í hans tilfelli, án stólsins komist hann ekki út úr bílnum og ferða sinna. Fyrir þremur dögum sprakk á dekki undir útistólnum hans Andrésar. Á þriðjudagsmorgun hringir hann í Sjúkratryggingar Íslands, stofnunina sem tekið hefur yfir hlutverk Hjálpartækjabanka Tryggingastofnunar. Í ljós kom að varahluturinn var ekki til hjá stofnuninni og reiðhjólaverkstæði eru ekki viðurkenndir birgjar hjá Sjúkratryggingum. Dekk undir útihjólastól eru þau sömu og undir reiðhjólum.
Restina af fréttinni má lesa með því að smella hérna.
Skoðað: 4733
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
