Meirihlutinn í Reykjavík í vondum málum. Svelta aldraða í 110 daga á ári og halda í félagslegri einangrun til að fjármagna gæluverkefni hjólreiðabrjálæðings
Skoðað: 4383
Meirihlutinn í Reykjavík með borgarstjóra í broddi fylkingar þar heldur betur að fara að endurskoða forgangsröðunina þegar kemur að niðurskurði í fjármálum borgarinar. Það er með öllu ótækt að ætla sér að skera niður í þjónustu við aldraða til að hægt sé að fara í einhver dekur og gæluverkefni einstakra borgarfulltrúar sem vilja reiðhjólastígi og götuþrengingar út um alla borg og sem dæmi á að þrengja Grensásveg, breikka gangstéttar og leggja hjólastíg við akbrautina. Þetta verkefni er áætlað að kosti um 170 milljónir og til að fjármagna það á að skerða þjónustu við aldraða á Eirborgum um sex milljónir.
Hugsið ykkur hvað þetta er viðbjóðslegur hugsunarháttur hjá þeim Degi B. Eggerstsyni og Hjálmari Sveinssyni, formanni umhverfis og skipulagsráðs Reykjavíkur og þeim til lítils sóma að ætla sér að setja vistmenn á hjúkrunarheimilium í félagslega einangrun 110 daga á ári og svelta þá jafnvel að auki þar sem meirihlutinn í borginni tímir ekki að sjá af sex til sjö milljónum í fólkið sem kom þeim á legg en þeir eru tilbúnir að henda tugum og jafnvel hundruðum milljóna í gæluverkefnin.
Hér að neðan eru tenglar á fréttir af þessu máli og fólk ætti að skoða þá áður en það segir sitt álit um þetta mál.
Hjálmar um þrengingu Grensásvegar.
Lengstu dagar sem ég hef lifað.
Við fáum engan mat 110 daga á ári.
Nýr samningur um heimahjúkrun.
Og að lokum fésbókarsíða Borgarstjóra.
Það er ekki líðandi að borgarstjórn geti hagað sér með þessum hætti gagnvart því fólki sem kom því á legg og lagði grunninn að því velferðarkerfi sem hér VAR fyrir 25 árum en hefur að mestu leyti verið eyðilagt af þeim sem nú hafa tekið við stjórntaumunum.
Það er sagt að sjaldan launi kálfur ofeldið og sannast það best á meirihlutanum sem stýrir Reykjavíkurborg í dag.
Skoðað: 4383
