Lemdu mig. Berðu mig og misþyrmdu mér. Hér er brennivínið þitt

Skoðað: 2736

Thumbs up fyrir Máa og Bjögga á fundi Samherja á Dalvík.
Meðvirki ofbeldisþolinn.
Skjáskot úr myndbandi.

Þær eru ekki fáar fréttirnar, viðtölin og opinberanirnar um meðvirkni fólks við ofbeldismenn og alkahólista í gegnum tíðina.
Konan sem lætur ekki sjá sig úti dögum saman meðan bólgurnar í andlitinu eru að hjaðna og búið að farða yfir verstu marblettina til að fela þá og risastór sólgleraugu sem fela hálft andlitið af því glóðaraugun ná enn niður á kinnar og upp á enni og storknað blóð í nösunum.  Þegar hún spurð hvað hafi komið fyrir þá gekk hún á hurð eða datt niður stiga.

Enginn spyr hana hreint út hvort maðurinn hennar hafi barið hana svona illilega því þeim finnst það ekki koma sér við eða það sem verra er, vill ekki bera ábyrgð á því að sannleikurinn komi í ljós sem síðan yrði til þess að splundra hjónabandinu eða sambúðinni því þá þarf viðkomandi að bera ábyrgð á sambandsslitunum eða skilnaðinum.  Þá er bara betra að vera meðvirkur með kallinum og leyfa þeim að útkljá málið.

En þegar konan er hreinlega drepin í einu æðiskasti bóndans þá kemur í raun í ljós hvar ábyrgðin hjá meðvirkum vinunum og fjölskyldunni liggur.  Hún liggur nefnilega ekki lengur hjá parinu að útkljá sín mál heldur hjá þeim sem veigruðu sér við að taka ábyrgð á sambandsslitum eða skilnaði því nú bera þeir meðvirku nefnilega ábyrgð á dauða konunar.

Þetta sama ástand erum við að sjá í dag í Samherjamálinu þar sem bullandi meðvirkni með Þorsteini Má skín í gegnum allar fréttir þessa dagana.  Sú saga um manninn og hvernig hann er ofbeldishrottin sem meðvirkir hlæja að en átta sig ekki á því með því eru þeir að kynda undir slíkri hegðun, auka við ofbeldið þangað til staðan verður eins og hún er orðin í dag, að Þorsteinn lítur svo á að hann sé yfir öll lög, reglur og mannleg samskipti hafinn.

Gott dæmi um það er þegar hann rak heila skipshöfn á einu bretti eftir að búið var landa því þeir vildu ekki stíma beint á miðin á stundinni en þegar var búið að koma vitinu fyrir hann með vísun til laga og reglna þá grenjaði hann það út þegar frekjukastið var í rénun að einn hásetaræfill var rekinn, að vísu tímabundið, en rekinn samt.  AF ÞVÍ að Mái krafðist þess.
Önnur saga, algjörlega óstaðfest, segir að þegar hann fékk svæsnustu frekjuköstin hafi öskrin í honum heyrst frá Eyrinni upp á Brekku og í innbæinn á Akureyri þegar verst lét.
Sá sem hlær að svona hegðun án þess að sjá hversu alvarlega veikur á geði Mái er ætti að skreppa í heimsókn að næsta spegli og spyrja sig hreinskinislega hvort svona hegðun sé ásættanleg eða hlægileg.

Meðvirkni er hættulegur sjúkdómur því hún drepur á endanum.  Þegar fólk neitar að horfast í augu við staðreyndir en spilar með ofbeldismanninum á heimilinu sem heldur öllum í gíslingu með barsmíðum, drykkju og dólgslátum og leyfir honum að komast upp með það.

Þannig sá fólk þegar Mái tilkynnti starfsfólkinu á Dalvík um að hann ætlaði að stíga til hliðar sem forstjóri hvernig meðvirknin virkar því þar sagði hann blákalt að umfjöllun fjölmiðla af spillingarmálum hans og mútum hans til ráðherra fátæks afríkuríkis til að komast yfir veiðiheimildir þar í landi í eigin þágu væru árásir á starfsfólk Samherja.
Lágkúruháttur Máa með þessum orðum, að kenna starfsfólki hans um eigin spillingu og drullsokkshátt getur varla verið orðið ógeðslegri.

Í myndbandi frá fundinum má sjá fólk gefa “thumbs up” undir ræðu Máa.  Fólk sem þorir ekki að standa upp og mótmæla ofbeldinu.  Fólk sem er á skítalaunum meðan Mái mokar milljörðum af illa fengnu fé í sína eigin vasa eða aflandsreikninga erlendis.  Fólk sem stendur hjá og leyfir spillingunni …  Nei!  Fólk sem vinnur baki brotnu með skítalaun hjá fyrirtækinu og hjálpar því að skapa verðmæti úr eigin auðlind en fær lítið sem ekkert í staðin.
Meðvirknin er fullkomin.

En ætlar fólk almennt að sætta sig við svona meðvirkni með ótýndum glæpalýð?
Halda áfram að afneita staðreyndum og kóa með ofbeldishrottanum, drykkjuræflinum sem lemur fólkið sitt á kortersfresti þó það geri ekki annað bera brennivínið í alkann meðan hann lætur höggin dynja á því?

Nú þarf almenningur bara hreinlega að fara að ákveða sig hvora ábyrgðina það ætlar að taka í þessu ofbeldissambandi, að stíga fram og taka ábyrgð með því að mótmæla þessari spilingu sem er grasserandi út um allt þjóðfélagið og sérstaklega í stjórnmálunum þar sem valdafólkið, drykkjuóði ofbeldishrottinn, stjórnar með ofbeldi og barsmíðum þangað til eihver verður drepinn eða ætlar fólk að vera virkt í meðvirkninni og láta drepa sig?

Hvort ætlar þú að taka ábyrgð og stoppa ofbeldið eða ætlar þú að halda áfram meðvirkninni og láta drepa þig eða þína nánustu?

Skoðað: 2736

Umsagnir eru á ábyrgð þess sem þær skrifa

umsagnir