Katrín er Bjarni inn við beinið

Man einhver eftir því fyrir rúmum þremur árum síðan þegar Katrín Jakobsdóttir stóð í pontu Alþingis og sagði hin fleygu orð; “Herra forseti. Stjórnvöld eiga ekki að biðja fátækt fólk á Íslandi að bíða eftir réttlæti.”
Þannig byrjaði Logi Einarsson formaður Samfylkingarinar fyrirspurn sína til Katrínar Jakobsdóttur forsætisráðherra í óundirbúnum fyrirspurnartíma í gær og spurði Katrínu hvort hún væri sammála þeirri hegðun og framkomu sem Bjarni Benediktsson fjármálaráðherra sýndi af sér gagnvart öryrkjum og öldruðum á íslandi þar sem hann sakar tals­menn öryrkja um ábyrgð­ar­leysi og hótar því að fjölgun fólks með skerta starfs­getu verði látin bitna á þeim sem nú þegar eru á örorku­líf­eyri.

Logi spurði hvort Katrín væri ekki sam­mála eigin orðum um að stjórn­völd ættu ekki að biðja fátækt fólk á Íslandi að bíða eftir rétt­læti. „Ég spyr einnig hvort hún komi ekki með okkur í það að bretta upp ermarnar núna, draga úr skerð­ingum og tryggja að líf­eyrir almanna­trygg­inga fylgi þróun lægstu launa sam­kvæmt lífs­kjara­samn­ing­um?“

Skemmst er frá því að segja að Katrín styður Bjarna en að örðu leiti sneri hún útúr, svaraði ekki nema því sem henni henntaði og mærði sjálfa sig og ríkisstjórnina í hástert.

Dæmið sjálf með því að hlusta á spurningar Loga og svör Katrínar því þarna kemur það algjörlega í ljós að Katrín er í raun Bjarni inn við beinið.  Grjóthart íhald, nýfrjálshyggja og auðvaldsdekurdrós.

Skoðað: 2619

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.