Heimilislaus maður hrakinn og smánaður á læknabiðstofu af ritara

Hún er ekki falleg sagan sem gengur á samfélagsmiðlum núna um heimilislausa manninn sem kom inn á læknastofu og bað um að hitta geðlækni en var neitað á þeim forsendum að hann átti engan síma og hafði ekki aðgang að slíku tæki.
Verst er þó hegðun læknaritarana sem áttu hreinlega ekki aukatekið orð yfir því að maðurinn skyldi ekki eiga síma, það var sko reginhneyksli dagsins hjá blessuðum börnunum í móttökunni eins og kemur fram í stöðufærslunni á Facebook sem ung kona varð vitni að.

Varð pínu sorgmædd í dag… sat á læknastofu að bíða eftir að komast að hjá lækni. Inn gengur maður í pínu skítugum fötum og með ferðatösku með sér. Hann biðurum tíma hjá geðlækni sem var í húsinu. Ritarinn biður hann um kennitölu og símanúmer en hann segist ekki eiga síma. Ritarinn varð ekkert lítið hneykslaður og spyr hann hvernig læknirinn eigi þá að geta náð á honum, öðruvísi geti hann ekki fengið tíma hjá lækninum. Hann segist þá geta komist í síma í gistiskýlinu, maðurinn semsagt heimilislaus. Ritarinn spyr þá hvort hann ætli að vera við símann allan daginn. Því miður er þetta eini síminn sem maðurinn hefur aðgang að. Hann mundi hinsvegar ekki númerið í honum. Ritarinn biður hann þá að hringja seinna og panta tíma þegar hann er búinn að finna hvað símanúmerið er, annars geti hún ekki hjálpað honum. Maðurinn labbar út miður sín með engan tíma hjá geðlækni. Stuttu seinna fer ritarinn að tala í símann við ritara á annarri hæð, þær fussa og sveia yfir því hvernig manninum datt í hug að hann gæti fengið tíma þegar hann var ekki með síma, síðan heyri ég kommentið “já hann er farinn, ætli hann hafi ekki bara farið aftur í gistiskýlið, haha”!

Okkur hjá Skandall.is finnst að  þessar stelputuðrur í móttökunni megi hafa skít og skömm fyrir framkomu sína og hegðun gagnvart heimilislausum manni.
Ætli þær hefðu hagað sér svona ef þetta væri nákominn ættingi þeirra?

Deilið þessu og vonandi þekkja þessar stúlkukindur sig í þessum pistli og læra kanski að skammast sín fyrir hegðun sína og framkomu gagnvart því fólki sem á hvergi skjól nema á götunni.

Okkur hjá Skandall.is finnst það blóðugt að á sama tíma og þetta gerist er verið að leggja tvö þúsund milljónir í aðgerðir vegna komu flóttamanna hingað til lands en öryrkjar og aldraðir mega éta það sem úti frýs enda gagnslaust og ónýtt rusl sem þraut er og pína að ala önn fyrir.
Má ekki bara skjóta þessar afætur þjóðfélagsins sem aldraðir og öryrkjar eru?

Skoðað: 54496

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.