Af og til spretta upp umræður á samfélagsmiðlum vegna skerðinga almannatrygginga á bótum öryrkja og furða sumir sig á því að frítekjumarkið sem er í dag um 200. þúsnd krónur á mánuði skuli skerða bætur almannatrygginga þó viðkomandi sé með minna en það í tekjur á mánuði.
Skýringin er þó ekki eins flókin og margir halda þar sem það eru aðeins grunnbæturnar, örorkubæturnar sjálfar sem eru aðeins 59.678,- krónur á mánuði sem aldrei skerðast en allar aðrar aukagreiðslur Tryggingastofnunar skerðast frá fyrstu krónu um leið og viðkomandi fær einhverjar tekjur.
Með því að fara í reiknivél TR er nokkuð auðvelt að sjá hvað bætur og aukagreiðslur skerðast mikið eftir tekjum og með því er þannig hægt að reikna út hvort það hreinlega borgi sig að fara í vinnu ef skerðingarnar verða það miklar að fólk er hreinlega farið að borga með sér, það er að segja að kostnaður að meðatöldum skerðingum er orðin meiri en launin sem viðkomandi fær.
Þeir öryrkjar sem fá greiðslur frá lífeyrissjóði eru skertir 100% eða um krónu á móti krónu.
Ráðherrar og þingmenn sem hafa talað um að það þurfi að hvetja lífeyrisþega til að fara út á vinnumarkaðin eru eins og lélegur brandari meðan þetta sama fólk sér til þess að atvinnutekjur öryrkja fara allar beint í rikiskassan vegna skerðinga.
Til þess að það sé einhver hvati fyrir öryrkja að fara út á vinnumarkaðinn þá þarf fyrst að stoppa þennan þjófnað sem skerðingarnar eru í dag.
Skoðað: 3747
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
