Gunnar Smári Egilsson skrifar alveg kostulega færslu á Fésbókina í dag, svona ímyndað samtal milli Bjarna Ben og Katrínar Jakobsdóttur vegna kjaradeilu ljósmæðra.
MYND: Gunnar Karlsson.
Katrín: Bjarni, ég er alveg að gefast upp. Fólkið mitt er alveg brjálað út af ljósmæðrunum.
Bjarni: Nú? Er það ekki ánægt að það sé sósíalisti og femínisti í forsætisráðuneytinu.
Katrín: Jú, þau eru voða ánægð með það. Það er náttúrlega mikill sigur.
Bjarni: Hvert er þá vandamálið?
Katrín: Ja, að við séum ekki búin að semja við ljósmæður. Verðum við ekki að gera það?
Bjarni: Og láta þær éta upp afganginn af ríkissjóði? Nei, við getum ekki látið það viðgangast. Ég skal afhjúpa þessar konur sem hafa algjörlega misst sig í græðgi og kröfuhörku. Ég skal sýna fólki að það eru ljósmæðurnar sem eru vondi karlinn í þessari deilu.
Katrín. Já, það væri gott. Ég kann ekki við að vera vondi karlinn. Ég vil vera góð.
Bjarni: Treystu mér, þegar ég verð búinn að ljúka mér af mun fólk fyrirlíta ljósmæður og elska okkur. Fólk mun hræða börnin sín með því að segja: viltu að ljósmóðirin komi og taki þig?
Katrín: Æ, takk Bjarni. Láttu þær hafa það. Þær eru að skemma allt. Akkúrat þegar við ættum að vera svo glöð yfir að það er sósíalisti og femínisti í forsætisráðuneytinu.
Gallinn við allt sama er þó, að öllu gamni fylgir einhver alvara og þetta er samtal sem gæti alveg átt sér stað í raunveruleikanum.
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
