Það er hreint með ólíkindum að horfa upp á hegðun Tryggingastofnunar Ríkisins í málefnum aldraðra sem áttu að fá skaðabætur vegna ólögmætra skerðinga vegna janúar og febrúar 2017 eins og landsréttur kvað á um í úrskurði sínum.
Móðir Ingu Sæland fór í mál vegna þess og fékk dæmda dráttarvexti = skaðabætur vegna vangreiddra bóta og fékk hún það greitt að fullu en þeir sem ekki fóru í dómsmál fá aðeins greidda vexti = fjármagnstekjur og verða því fyrir skerðingum vegna þess.
Hulda Björnsdóttir tekur aðeins á þessu máli á bloggsíðu sinni en þar segir hún eftirfarandi:
Ég hélt að þetta væri prófmál og niðurstaða dómsins, að undanskildum tölum einstaklingsin, ætti við alla sem þessi lög brutu á.
Ég skil ekki hvernig málshöfðandi fær dráttarvexti en aðrir venjulega vexti.
Hvaða munur er á mér og málshöfðanda?
Við vorum báðar látnar sæta skerðingum vegna lífeyrissjóðstekna fyrir janúar og febrúar 2017 vegna lögleysu.
Við fengum báðar leiðréttingu vegna ólöglegu skerðinganna þessa 2 mánuði.
Hún fékk dráttarvexti og ég fékk vexti.
Hún fékk skaðabætur en ég fékk fjármagnstekjur!
Er þetta bara allt í lagi?
Hvað segir Flokkur fólksins, Félag eldri borgara, Landssamband eldri borgara, Samfylkingin, Formaður Velferðarnefndar og fleiri sem málið kemur við?
Það er með hreinum ólíkindum að TR skuli taka á þessu með þeim hætti sem stofnunin gerir og þetta getur varla talist löglegt þegar upp er staðið enda er þetta ekkert annað en mismunun á rétti fólks.
Þetta er eins og að rétta öllum eina kökusneið en bara sá eini sem kærði fær að halda sinni en hjá hinum er helmingurinn skorin af og settur aftur á kökubakkann.
Það er alveg ástæða til að biðja löglærða einstaklinga að skoða hvort þetta geti hreinlega staðist lög að Tryggingastofnun Ríkisins hagi sér með þessum hætti og einnig ætti að taka þessa umræðu fyrir á alþingi og fá kristalskýr svör frá ráðherrum enda óþolandi að horfa upp á svona mismunun, óréttlæti og hreint út sagt, dónaskap og siðleysi.
Skoðað: 4194
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
