Þó legið hefi fyrir í hartnær tvö ár að Fréttablaðið væri á barmi gjaldþrots og stöðugur taprekstur á miðlinum þá kom það eins og þruma úr heiðskýru lofti þegar tilkynnt var í gær að ákveðið hefi verið að skella í lás á þeim bænum með þeim afleiðingum að um 100 manns misstu vinnuna.
Gríðarlegur fjöldi fólks hefur skrifað aðsenda skoðanapistla í blaðið og á netútgáfu þess og almennir borgarar fengið þar rödd sem nú mun þagna að mestu enda margir snilldarpennar sem áttu sína föstu dálka þar og mikið lesnir.
Þetta er gríðarlegt högg á frjálsa fjölmiðlun í landinu og spurning hvaða áhrif það kemur til með að hafa á fjölmiðlun í landinu en margir hafa kallað eftir því að Ríkisútvarpið verði tekið af auglýsingamarkaði til að fjölmiðlar sem byggja tekjur sínar á auglýsingum eigi auðveldara uppdráttar.
Þessi umræða hefur reyndar verið í gangi lengi og má nefna að á hinum norðurlöndunum er búið að kippa ríkisreknum fjölmiðlum af auglýsingamarkaði enda fá þeir sitt rekstrarfé frá stjórnvöldum.
Fjárframlög frá ríkinu hafa hingað til ekki dugað til að styrkja frjálsa fjölmiðla með réttlátum hætti og það sannar sú staðreynd að Fréttablaðið er liðin tíð.
Því miður.
Skoðað: 2757
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
