Síðast var það Húsavík, nú er það Akranes

Árið 2014 hætti útgerðarfélagið Vísir allri starfsemi á Húsavík og sagði upp því starfsfólki sem þar starfaði eða bauð því að flytjast hreppaflutningum suður til Grindavíkur.  Talsvert mikið var fjallað um þetta í fréttum eitthvað fram á árið 2015 en að lokum dó umræðan út og varla hefur heyrst múkk um þetta mál síðan þrátt fyrir að ASÍ hafi hótað málaferlum gegn SA vegna þessara aðgerða Vísis.

Núna er Akranes undir hníf útgerðargreifana og hefur HB-Grandi hótað að hætta allri fiskvinnslu á Akranesi og flytja hana til Reykjavíkur.  Þetta hefur að sjálfsögðu kallað á hörð viðbrögð bæjarbúa, bæjarstjórnar sem hljóp upp til handa og fóta og lofaði að leggja hundruði milljóna í hafnarbætur til að halda fyrirtækinu á staðnum og verkalýðsforingja staðarins sem bæði er brúnaþungur og ómyrkur í máli gagnvart fyrirtækinu.  Fyrirtæki sem borgar starsfólkinu sem skapar verðmætin skítalaun miðað við afkomu því á sama tíma ætlar stjórnendur og eigendur þess að greiða út tvo milljarða í arð.
Ætli starfsfólkið fái íspinna eins og fyrir tveimur árum?
Þá brast ein fiskvinnslukonan í söng og sendi eigendunum heldur betur tóninn.

Sennilega mun samt það sama gerast og gerðist á Húsavík.
Fiskvinnslan fer og raddirnar þagna.

Skoðað: 5018

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.