Má bjóða þér undir pilsfaldinn?

Áhugaverð uppákoma varð á Alþingi í dag þegar alþingismenn tóku aftur til máls um fjárlög næsta árs eftir fundarhlé í hádeginu.

Össur Skarphéðinsson , þingmaður Samfylkingar, tók fyrstur til máls eftir hlé og hafði staðið í ræðupúlti í um hálfa klukkustund og skotið hart á stjórnarflokkana áður en formaður fjárlaganefndar, Vigdís Hauksdóttir, ákvað að skerast í leikinn.

Össur hafði þá skömmu áður mært verk fyrri ríkisstjórnar og sagt Sjálfstæðismenn vera „skíthræddasta“ við Steingrím J. Sigfússon. „Vegna þess að þeir hafa ekki þorað að koma hér og reyna að hrekja eitt einasta orð af því sem að hann var að segja hér um það sem verk fyrri ríkisstjórnar – enda er það ekki hægt. Nú er einfaldlega búið að klappa það í stein, ríkisreikninga þriggja ára,“ sagði Össur og bætti við:

Þannig að það er sama þó að menn flýi hér í felur í afherbergi og leiti skjóls undir pilsfaldi háttvirts formanns fjárlaganefndar, þeir geta ekki flúið þá staðreynd að svona var þetta eins og lýst var. Ég ætla bara að taka dæmi af sjálfum mér, herra forseti.

Í því gekk Vigdís Hauksdóttir fram fyrir pontuna, kippti í pisfaldinn og sagði:

Má bjóða þér undir pilsfaldinn?

Össuri fipaðist aðeins við þetta en var snöggur til svars og sagði:

Ég er smekkmaður, ég er smekkmaður.

Hélt hann síðan áfram með ræðuna.

Skoðað: 11110

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.