Hrokinn í Eygló Harðardóttur er síst minni en hjá Bjarna Ben

Skoðað: 5625

Skjáskot af frétt eyjunar þar sem Eygló þjófkennir bótaþega.

Það hefur verið vægast sagt ömurlegt að fylgjast með málflutningi fyrrverandi velferðarráðherra, Eygló Harðardóttur í sambandi við skýrslu Ríkisendurskoðunar þegar í ljós kom að skýrslan sú var unnin upp úr Danskri skoðanakönnun einkafyrirtækis sem sá um hugbúnaðargerð fyrir hið opinbera í Danmörku.

Á meðfylgjandi mynd, sem er skjáskot af frétt Eyjunar, má lesa það sem Eygló segir þegar hún þjófkennir alla bótaþega landsins og hversu stolt hún er að allir þingmenn skuli hafa samþykkt að setja lög á öryrkja og aldraða sem Austurþýska leyniþjónustan STAZI hefði orðið stolt af enda urðu þessi lög til þess að aldraðir og öryrkjar njóta nánast engrar persónuverndar og TR og Skatturinn mega gramsa í öllum þeirra gögnum án þess að spyrja kóng eða prest og leiki einhver grunur á því að um einhverskonar bótasvik eða svindl sé í gangi, þá má stöðva greiðslur til viðkomandi á þeim forsendum einum og sér.

Ríkisendurskoðandi baðst velvirðingar með hálfum huga í viðtali í Kastljósi í vikunni en Eygló Harðardóttir þvældi fram og til baka, neitaði að svara beinum spurningum fréttamanns en sneri í og úr og reyndi hvað eftir annað að réttlæta gjörðir sínar og endaði svo á að kenna alþingi um allt saman, þar á meðal eigin verk.
Tekur sem sé enga ábyrgð á eigin gerðum frekar en nokkur ráðherra á íslandi hefur gert í hroka sínum og sjálfumgleði yfir eigin verkum.

Myndbandið hér að neðan er klippt saman úr kastljósþætti þar sem rifjað var upp aðdragandi skýrslunar og viðtal við núverandi velferðarráðherra ásamt fyrrverandi en það sem skiptir ekki máli þessu samhengi var klippt út.

Einnig var látið fylgja myndbrot af Vigdísi Hauks í ræðustól fara með hreinar og klárar lygar, ásakandi lífeyrisþega að stela níu til tíu milljörðum á ári úr bótasjóðum en sú frenja og siðbrenglaða kona er sem betur fer hætt á alþingi, öllum til mikils léttis. Hún ásamt ríkisendurskoðanda og Eygló Harðardóttur skulda lífeyrisþegum þessa lands feita afsökunarbeiðni fyrir að hafa þjófkennt alla bótaþega landsins.