Flissandi fáráðlingar gónandi á síma sína undir ræðu um fátækt

Þeim verður seint viðbjargandi andlegu síamstvíburunum Bjarna Benediktssyni og Sigurði Inga Jóhannssyni þegar þeir náðust í mynd undir ræðu Ingu Sæland um fátækt á íslandi í umræðum um stefnuræðu forsætisráðherra á alþingi í gærkvöldi þar sem þeir sátu flissandi eins og óþroskaðar gelgjur, (gelgjur er orð yfir óþroskaða unglinga á kynþroskaskeiðinu sem kunna sig ekki), gónandi á farsíma sína í stað þess gera það sem þeim er lögboðið sem þingmönnum í umboði þjóðarinar og ráðherrar í ríkisstjórn landsins, að fylgjast með því sem rætt er um.
En sennilega hefur þeim, eins og venjulega, leiðst svo óheyrilega þetta umræðuefni að þeim hefur ekki þótt það skipta þá nokkru einasta máli.

Það hlýtur að vekja upp spurningar um siðferðisþroska þessara manna að haga sér svona.

Þuríði Hörpu var ekki skemmt yfir hegðun ráðherrana og hennar orð vega þungt í þjóðmálaumræðunni.

Ég horfði á ræður alþingismanna í upphafi þings núna í kvöld. Sumir en ekki margir stóðu upp úr, en hér og nú ætla ég að þakka Ingu Sæland sérstaklega fyrir hennar ræðu, ég verð þó að segja að mér fannst ekki smart að sjá Bjarna Ben. og Sigurð Inga hlæjandi við símana sína á undir ræðu Ingu. Hún spurði hvernig ætla stjórnvöld að standa við öll stóru orðin og loforðin sem lofuð voru í aðdraganda síðustu kosninga?

Þá var þessi fræga setning sett fram og örugglega varð þessi setning til þess að margir kusu akkúrat þann sem þetta sagði: stjórnvöld eiga ekki að biðja fátækt fólk að bíða eftir réttlæti! Enn bíða öryrkjar eftir réttlæti, það að strípaður örorkulífeyrir sé í dag rúmar 247.000 kr. f.sk. ber í mínum huga ekki vott um réttlæti. Þrátt fyrir tæpar 10.000 kr. í skattalækkun sem kemur inn of seint, þá er þessi upphæð lítilsvirðandi við fólk sem á allt sitt undir réttlætiskennd stjórnvalda.

Í dag er strípaður örorkulífeyrir rúmum 30.000 kr. lægri en atvinnuleysisbætur og ef fram fer sem horfir mun gliðnun milli örorkulífeyris og lægstu launa verða enn meiri á næsta ári. Ég hlýt að spyrja er þetta réttlæti stjórnvalda gagnvart fötluðu og langveiku fólki, eða mun eitthvað verða gert til að bæta kjör þessa hóps?

Svo má alveg minna á orð Ingu þegar hún segir í ræðu sinni; “Ríkis­stjórn eftir ríkis­stjórn hefur grímu­laust komið á því kerfi sem við búum við í dag og kinn­roða­laust haldið við þeirri fá­tækt sem allt­of stór lands­manna býr við í dag.“ – Inga Sæland

Skoðað: 8892

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.