Skoðað: 3476

Það er fátt sorglegra en einstaklingur sem básúnar út fáfræði sína og vanþekkingu í fjölmiðlum til að upphefja sjálfann sig til að fólk veiti honum brautargengi í kosningum eða prófkjöri fyrir stjórnmálaflokka.
Um þetta er Árni Johnsen, fyrrverandi tugthúsmeðlimur og dæmur þjófur algjörlega sekur um þegar hann skrifar grein í Morgunblaðinu í dag og kallar Pírata “leikfélaga” og segir að þeir standi fyrir ekki neitt.  Þá segir hann að þeir hafi ekki verkvit og engin verðmæti standi á bak við þá sem stjórnmálaafl, þeir eru góðir spjallarar, lausir og liðugir og hafa áhuga á tölvutengingum, en pólitísk stefna þeirra er efnisminni en nýju fötin keisarans.

Árni tilkynnti í grein í Morgunblaðinu í síðasta mánuði að hann myndi bjóða sig fram í prófkjöri Sjálfstæðisflokksins sem fer fram um næstu helgi. Hann var þingmaður flokksins frá 1983 til 1987, frá 1991 til 2001 og frá 2007 til 2013.

Árið 2003 var Árni Johnsen dæmdur í tveggja ára fangelsi fyrir mútuþægni, fjárdrátt og umboðssvik í opinberu starfi og rangar skýrslur til yfirvalda. Dóminn má lesa hér.

Í framhaldinu verður því fróðlegt að fylgjast með prófkjöri Sjálfstæðisflokksins á Suðurlandi og sjá hvernig brautargengi Árna verður, hvort þeir einstaklingar sem taka þátt í prófkjörinu hjá þeim, það er að segja þeir sem kjósa fólk á listana eru siðbrenglaðir eða haldnir Stokkhólmsheilkenninu fræga og kjósi yfir sig á lista dæmdan þjóf, siðblindingja, lygara og ómerking sem Árni er í raun og veru.

Grein Árna má lesa í fullri lengd á Stundin.is.

Þegar upp er staðið er þessi grein Árna bara til þess fallin að niðurlægja sjálfann sig en upphefja Pírata og auka þeim brautargengi.
Karma strikes back.

Skoðað: 3476

Umsagnir eru á ábyrgð þess sem þær skrifa

umsagnir