Það er oft hægt að gera frábær kaup á degi sem þessum, svörtum föstudegi og verslanir keppast við að markaðssetja sig, auglýsa grimmt afslætti og kostakjör þennan dag þar sem fólk getur fengið afslætti upp á tugi prósenta.
En það er ekki allt gull sem glóir og fólk þarf að vera sérstaklega vel á varðbergi þennan dag því það eru ótrúlega margar verslanir sem eru í raun að svindla á neytendum og þessi kostakjör í raun ekkert nema svindl og svínarí þegar upp er staðið.
Dæmi þess eru vörur sem settar hafa verið á útsölu á svörtum föstudegi með 20 til 40 % afslætti. Vörur sem voru hækkaðar í verði vikunni áður um 40 til 60%.
- Kannaðu hvort það er gamall verðmiði undir þeim nýja með afslættinum.
- Ef það er auglýstur 30% afsláttur og eldra verð og lækkað verð eru á miðanum, kíktu undir eða á bakvið hann eða í eldri bækkling verslunarinnar.
- Flettu upp á netverslun viðkomandi búðar og skoðaðu verðin aftur í tíman, jafnvel eldri bæklinga frá þeim.
- Ef þú ert alveg handviss um að það sé verið að snuða viðskiptavini á raunverulegum afslætti, láttu vita á verðvaktinni hér að neðan með sönnunargögnum, myndum, vísun í eldra verð og annað sem er bein sönnun þess að verlsunin er ekki að gefa þann afslátt sem gefin er upp.
Þannig að ef þið ætlið að gera góð kaup og fá raunverulegan afslátt þá skuluð þið fara í smá rannsóknarvinnu og kanna hvað vörurnar kostuðu fyrir viku til tveim áður en þið ákveðið að kaupa nokkuð á svörtum föstudegi svo þið séuð ekki að láta svindla á ykkur.
Verið dugleg að láta aðra vita ef þið verðið vör við að verslanir séu að svindla á fólki þegar kemur að afslætti á þessum degi.
Við erum að sjálfsögðu ekki að segja allar verslanir sem taka þátt í svörtum föstudegi geri þetta en það eru mjög margar verslanir sem gera þetta og söluaðilar, þeir eru í raun svartir sauðir þegar kemur að þessu og það bitnar að sjálfsögðu á hinum sem eru heiðarlegir þegar kemur að afsláttarkjörum.
Verðvaktin á Facebook gæti reynst hjálpleg og ef fólk veit um aðrar góðar síður sem halda utan um verðlag verslana og fyrirtækja, þá má endilega benda á það í umsagnarkerfinu.
Skoðað: 2991
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
