Þriðji hluti hjólastólarallýsins

Þá er komið að þriðja hluta ferðarinar hjá Maríönnu áleiðis til Skóga.
Lagt verður af stað frá Bónus á Selfossi í kvöld klukkan 18:00 eða fljótlega upp úr því og endað við Skeiðavegamót eftir 13,6 kílómetra rall.

Ástæða þess að tímasetningar koma seint inn hjá okkur er sú að það er ekki alltaf vitað hvernig heilsa rallýkappana og fylgdarsveina og meyja er að morgni rallýdags svo þess vegna er ekki hægt að láta vita fyrr en tveim til fjórum tímum áður en lagt er af stað en meiningin er þó sú að lagt verður af stað klukkan 18:00 alla daga sem rallið stendur yfir.

Allir sem vilja fylgja þessu hörkuduglega fólki hvort heldur hjólandi, gangandi eða rúlla sér í hjólastól, þá endilega bara mæta við Bónus – Hagkaup á Selfossi fyrir klukkan 18:00 og vera í samfloti.

Við viljum enn og aftur biðja þá ökumenn sem eru á ferðinni á viðkomandi vegarkafla þar sem rallýið fer fram að sýna tilitssemi og varúð við framúrakstur en veifa, brosa og sýna þessu hörkuduglega fólki stuðning með því að flauta létt þegar þið mætið þeim eða takið fram úr.
Meðfylgjandi mynd sýnir leiðina sem rallað verður í dag.

Að sjálfsögðu minnum við svo á beina útsendingu frá rallinu sem verður send út hérna.

Skoðað: 2488

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.