EIns og flestir íslendingar væntanlega vita þá er rafmagnsframleiðsla á íslandi einhver sú hreinasta í heimi því að á Íslandi er rafmagn ekki framleitt með mengandi hætti eins og þekkist víðast annarsstaðar í heiminum. Á íslandi eru ekki kjarnorkuver eða kolaver sem spúa mengandi efnum eða geislavirkni út í andrúmsloftið heldur eru fallvötn notuð til að framleiða rafmagn og samkvæmt tölum Orkustofnunar er 99,9% allrar rafmagnsframleiðslu á íslandi framleidd með endurnýjanlegum orkugjöfum.
Það skýtur því frekar skökku við að sjá þessa sömu stofnun halda því fram á öðrum stað að endurnýjanleg orka sé í dag aðeins 11%. Þá eru 34% orkunnar sögð framleidd með kjarnorku og 55% með kolum, olíu og gasi vegna sölu á upprunavottorðum úr landi.
Allt á þetta þó skýringar í sölu íslenskra orkufyrirtækja á uppruna- eða hreinleikavottorðum raforku til erlendra framleiðslufyrirtækja, sem nota „óhreina“ orku til að framleiða sínar vörur.
Í staðinn verða íslensku orkufyrirtækin að skrá á sig mengun sem hlýst af framleiðslu erlendu fyrirtækjanna. Samt hefur hvorki farið fram sala á orku frá Íslandi né raunverulegur innflutningur á CO2 og kjarnorkuúrgangi til Íslands.
Árið 2018 var hreina íslenska raforkan aðeins orðin 11% af heildarsölu raforku á Íslandi samkvæmt tölum Orkustofnunar. Þá var 34% orkunnar framleidd með geislavirku úrani og 55% raforkunnar voru sögð framleidd með jarðefnaeldsneyti, eða kolum, olíu og gasi.
Svona er nú komið fyrir hreinorkulandinu Íslandi.
Stjórnvöld bera fulla ábyrgð á þessu ástandi og það er með ólíkindum að eiturspúandi stjóriðja skuli komast upp með svona svínarí í samvinnu og baktjaldamakki við stjórnvöld, orkusölufyrirtæki og Landsvirkjun en láta mengunarskattinn lenda á almenningi sem greiðir hærra verð fyrir raforkuna af þeim sökum.
Sjá nánar á bls. 20–21 í nýju Bændablaði.
Skoðað: 3610
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
