Ég er sko meiri öryrki en þú!
Skoðað: 3094
Furðuleg staða kom upp á alþingi í gær þegar Steinunn Þóra Árnadóttir og Inga Sæland fóru að rífast um hvort þingmenn eða þjóðþekktir einstaklingar fengju betri þjónustu en sauðsvartur almúginn í heilbrigðiskerfinu eins og lesa má um í þessari frétt.
Inga tók til máls á Alþingi í dag og gerði biðtíma í heilbrigðisþjónustunni að umræðuefni sínu, sagði hún finna fyrir minni biðtíma eftir að þingferill hennar hófst.
„Landsmenn eru almennt mjög ósáttir við endalausa bið í heilbrigðiskerfinu. Ég verð að viðurkenna það að við hefðum nú öll gott af því að kíkja á þá og þykjast vera einhver önnur en við erum til þess að við fengum ekki að ganga fram fyrir röðina. Vera hinn almenni Íslendingur sem þarf að leita á náðir heilbrigðiskerfisins,“ sagði Inga.
Steinunn Þóra var á öðru máli og svaraði ræðu Ingu og sagði orð hennar bull.
„Ég vil mótmæla því sem mátti skilja af ræðu Ingu Sæland um að Alþingismenn nytu einhverskonar forgangs í heilbrigðisþjónustunni, að við þyrftum að prufa að bíða eftir því að okkur kæmi eins og annar almenningur í landinu, þvílíkt og annað eins bull. Okkar góða heilbrigðisstarfsfólk mismunar ekki eftir því hvort fólk er Alþingismenn eða gegna öðrum stöðum,“ sagði Steinunn Þóra Árnadóttir.
„Ég veit ekki hvernig það stendur á því að þingmaðurinn hefur ekki áttað sig á því að við tilheyrum forréttindahópi. Síðan ég varð þingmaður hefur líf mitt algjörlega gjörbreyst í allri þjónustu sem lýtur að mér úti í samfélaginu,“ svaraði Inga og nefnir hraðari þjónustu sem hún fær hjá Tryggingastofnun.
Atli Thor Fanndal segir hlutina bara nákvæmlega eins og þeir eru.
„Ég vil mótmæla því sem mátti skilja af ræðu Ingu Sæland um að Alþingismenn nytu einhverskonar forgangs í heilbrigðisþjónustunni, að við þyrftum að prufa að bíða eftir því að okkur kæmi eins og annar almenningur í landinu, þvílíkt og annað eins bull. Okkar góða heilbrigðisstarfsfólk mismunar ekki eftir því hvort fólk er Alþingismenn eða gegna öðrum stöðum,“ sagði Steinunn Þóra Árnadóttir.
Sorry en þetta er náttúrulega fáránleg og afgerandi staðhæfing. Þingmenn – þrátt fyrir endalaust væl – njóta mikillar virðingar í samfélaginu og fá oft forgang, boðskort, gjafir og svo auðvitað mikla þjónustu í þinginu sjálfu þar sem þingverðir myndi gera um það bil allt sem þau eru beðin um. Það er ekki tilviljun að allir ráðherrar sem veikjast enda strax á fínustu spítölum í Bandaríkjunum. Þetta eru ekki tilviljanir. Það eru heldur ekki tilviljanir að læknar hlusta minna á konur eða að fólk sem er á lægri enda samfélagsins þarf oft að bíða lengur eða fær verri ráðgjöf en þeir sem hafa það betra. Það er ástæða fyrir því að innflytjendur eru oft minna dugleg við að nota þjónustu en aðrir. Nú eða að ráðherra sem fabrikeraði minnisblað og ásakanir gegn svörtum manni og ólétri konu nýtur enn svo mikillar samúðar meðal menntafólks – íslensks og hvíts – að enn er látið eins og hún hafi verið hrekin úr starfi vegna karlasamsæris.
Það er fullt af kerfislægu snobbi og rasisma í kerfinu. Ein tegund af snobbinu er t.d. að fyllast af heilagri vandlætingu yfir því að minnst sé á að hinni fullkomnu útópíu hafi enn ekki verið náð (reyndar voru þrælar í Útópíu en hér er átt við hygmyndina ekki bókina. ) Það er alveg hægt að tala um kerfislæg vandamál án þess að það sé smættað niður í að hér sé fólk að keppa í að vera öryrki eða saka alla sem vinna allstaðar um að vera snobbaðir rasistar. Það er hins vegar alveg galið að þingmaður trúi því í alvörunni að staða hennar breyti ekki nokkru um hvernig komið er fram við hana.
Skoðað: 3094
