Af hverju man enginn hrunið og Tortóla?

Myndbandsklippa Láru Hönnu Einarsdóttur frá kosningavöku þann 29. okt 2016 hefur verið deilt talsvert á netinu að undanförnu en þar má sjá ungan mann ryðjast inn í viðta þegar verið var að tala við Kristján Þór Júlíusson í beinni útsendingu og bomba því á landsmenn og frambjóðendur hvort fólk væri búið að gleyma panamaskjölunum og Tortólareikningunum.

Það sem vekur þó meiri athygli þegar myndbandið er skoðað eru viðbrögð Kristjáns Þórs því hann ýtir þessum unga manni frá en setur síðan höndina með hálf krepptan hnefa að andlitinu á honum eins og sjá má á meðfylgjandi mynd að ofan sem klippt er úr myndbandinu.

Einnig er athyglisvert að fylgjast með svipbrigðum ungrar konu sem er vinstra megin í myndbandinu því henni er greinilega mjög brugðið að viðbrögðunum, bæði hjá Kristjáni og þessa unga manns.

En núna, rúmlega þremur árum síðar spyr almenningur enn þessarar spurningar sem þessi ungi maður kastaði framan í þjóðina í miðju viðtali við Kristján, Man enginn hrunið og Tortóla?
Spillingin og samtrygging auðvaldsins, elítunar, þingmanna og ráðherra heldur bara áfram á fullu gasi þrátt fyrir yfirlýsingar um annað og að tekið verði á málunum.

Samt er ekkert að gerast.

Skoðað: 4723

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.