4,7 milljörðum forgangsraðað í einum hvelli

Það hefur verið magnað að fylgjast með umræðum á alþingi undanfarna mánuði þegar ekki eru tl peningar í velferðarkerfið, heilbrigðiskerfið, menntakerfið eða aðrar grunnstoðir samfélagsins en það er ekkert mál að búa til og að afgreiða í hvelli tæpa fimm milljarða úr ríkissjóði í þá botnlausu hít sem Vaðlaheiðargöngin eru án þess að alþingi taki afstöðu til þess.

Skemmst er þess að minnast að um miðjan febrúar síðastlðin lofaði ríkisstjórnin því að ný krabbameinslyf yrðu tekin í notkun hér á landi á þessu ári en fjárframlög hafa ekki skilað sér í þann málaflokk þrátt fyrir þau loforð.
Heilbrigðisráðherra, Óttarr Proppé, hefur hunsað ítrekaðar beiðnir Fréttablaðsins síðustu daga og umleitanir fréttastofu um viðtal.

Með göngunum mun vegalengdin milli Akureyrar og Húsavíkur styttast um sextán kílómetra en ekki er komið á hreint hvað gjaldið fyrir að keyra göngin muni verða.
Einnig má leiða líkum að því að göngin verði lítið sem ekkert notuð á sumrin enda leiðin um Víkurskarð falleg og fólk mun líklegra til að keyra hana frekar en að fara um fúl, dimm og loftmenguð göngin undir heiðina fyrir þúsund kall eða meira.

Almenningur í landinu er löngu hættur að skilja svona vinnubrögð.

Skoðað: 4454

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.