Þvæluræða Bjarna um sölu Íslandsbanka

Það er alveg dæmigert fyrir Bjarna Benediktsson fjármálaráðherra að fara í ræðustól alþingis og fara þar með ósannindi og þvæla fram og til baka um sölu Íslandsbanka á dögunum.  Sölu sem var í bullandi andstöðu meirihluta þjóðarinar og sýnt þótti að yrði seldur á undirverði til valina vildarmanna Sjálfstæðisflokksins eins og svo síðar kom á daginn.

Í stöðufærslu sem Bjarni setti á Facebook í gær, 6. júlí segir hann meðal annars að þetta sé gert til að “minnka áhættu ríkisins í bankarekstri” og “að almenningi hafi verið gert kleyft að skrá sig fyrir hlutabréfaeign allt niður í 50 þúsund krónur”.

Fólk hlýtur að spyrja í hverju áhættureksturinn sé fólginn hjá banka sem skilar tugum milljarða í arð á hverju ári og sem innheimtir vexti sem eru ekki í neinu samræmi við bankavexti í nágranalöndunum ásamt verðtryggingu af húsnæðislánum sem þekkjast hvergi í hinum siðmenntaða heimi og bankar í evrópu líta á sem hreinræktaða glæpastarfsemi að innheimta.

Fjármálaráðherra sem aldrei hefur getað rekið fyrirtæki án þess að setja það á hausinn með tilheyrandi kostnaði og afskriftir upp á 130 þúsund milljónir ætti aldrei að fá að hlutast til um fjármál þjóðríkis því til þess hefur hann hvorki fjármála né viðskiptavit og með sama áframhaldi, fái hann að gegna þessu hlutverki eftir kosningarnar í haust, þá stefnir ísland hraðbyri í annað fjármálahrun á því kjörtímabili.

Hér að neðan má síðan lesa stöðufærslu Bjarna ásamt því að hlusta á ræðuna sem hann flutti á alþingi í gær í óundirbúnum fyrirspurnartíma.

Skoðað: 2196

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.