Það var hreint ótrúlegt og skelfilegt að hlusta á tillögur ríkisstjórnarinar á dögunum þar sem lagt var til að létta á fyrirtækjum landsins með því að afnema gjöld og skatta sem lögð eru á þau svo þau komist í gegnum krísuna sem er fyrir höndum vegna COVID-19 en ekkert var minnst á þá sem verst standa í þjóðfélaginu, öryrkja og aldraða. Fyrir þá á greinilega ekkert að gera nú þegar búið er að loka fyrir allar hjálparmiðstöðvar sem hafa hlaupið undir bagga með fátækasta fólkinu þegar það á ekki fyrir mat handa börnunum sínum. Þau eiga bara að svelta þangað til krísan er gengin yfir.
En fyrst ríkissjóður er allt í einu svo efnaður að það er hægt að fella niður tug ef ekki hundruð milljóna skatttekjur sem annars kæmu í ríkissjóð þá hlýtur að vera hægt að koma til móts við öryrkja og aldraða með mjög einföldum hætti. Svo einföldum að meira að segja bæði ráðherrum og þingmönnum landsins ætti að vera það ljóst þrátt fyrir að vitið sé alla jafna ekki mikið að þvælast fyrir þeim, það þarf bara viljan til að framkvæma það og ætti ekki að taka meira en tvo til þrjá daga, mesta lagi viku ef rétt er að staðið.
Hér er tillagan hrein og ómenguð.
Fellið niður alla skatta af greiðslum úr almannatryggingum þannig að allar bætur almannatrygginga verði skattfrjálsar.
Þetta getur ekki kostað ríkissjóð meira heldur það að fella niður þau gjöld sem hefur verið ákveðið að fyrirtæki í landinu hafa fengið og þetta yrði mikil kjarabót fyrir bótaþega, (djöfull er þetta viðbjóðslega ljótt orð) sem eiga allt sitt undir greiðslum almannatrygginga.
Við hvetjum fólk til að senda þessa grein á alla þingmenn og ráðherra, varaþingmenn og ráðaneytin til að vekja athygli á þessu.
Skoðað: 3556
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
