Kaldhæðni dagsins er mynd sem við stálum af alnetinu en á henni má sjá hvernig kaupmáttur öryrkja hefur þróast síðustu ár því nú eru stórmarkaðirnir farnir að pakka nautahakki í hentugar neytendapakkningar sem eru sniðnar að kaupmætti öryrkja í dag.
Því var líka laumað að okkur að hugmyndin hafi komið upp á brandarakvöldi VG og Sjálfstæðisflokksins eftir að Bjarni Ben hafði sagt brandara þar sem rónasteikur komu við sögu, en rónasteikur voru sunnudagsmatur fátæka mannsins á árum áður þegar franskbrauðssneið var smurð með kjötfarsi á báðum hliðum og síðan steikt á pönnu og til að þetta yrði nú alvöru sunnudagsmatur þá var höfð tómatsósa með.
Í dag er rónasteik nánast því of mikill lúxus fyrir öryrkjana því þeir verða annað hvort að gera sér að góðu franskbrauðið og tómatsósuna eða kjötfarsið því þeir hafa ekki efni á heilum skammti.
Við seljum þessar sögur ekki dýrar en þeim var stolið.
Ef þið hafið einhverjar sniðugar hugmyndir til að birta í dálkinum: “Kaldhæðni dagsins” ekki hika við að senda það á okkur.
Skoðað: 3492
Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.
Fáðu meira frá Skandall.is
Komdu í Áskrift og fáðu nýjasta efnið í tölvupósti.
