Fátækir bjóða þingmönnum og ráðherrum í bíó

Í kvöld klukkan átta verður sýnd í Bíó Paradís við hverfisgötu kvikmyndin “I, Daniel Blake” Myndin lýsir raunum fólks af baráttu þeirra við opinbera kerfið og afhjúpar eitt skelfilegasta mein samfélagsins, fátæktina. Athugið að tekin verða frá sæti fyrir ráðherra og þingmenn, en annars verða sæti í boði svo lengi sem húsrúm leyfir.

Eftir sýningu myndarinnar verður efnt til umræðna þar sem eftirtaldir taka þátt:
Mikael Torfason, rithöfundur og blaðamaður
Steindór J. Erlingsson, vísindasagnfræðingur
Guðmundur Ingi Kristinsson, situr í kjarahópi ÖBÍ
Sanna Magdalena Mörtudóttir, meistaranemi í mannfræði
Ásta Dís Guðjónsdóttir, formaður Sjálfsbjargar á höfuðborgarsvæðinu og samhæfingarstjóri Pepps á Íslandi.

Ásta Dís Guðjónsdóttir , Guðrún Bentsdóttir og Steindór J. Erlingsson frá Pepp Ísland – Samtökum fólks í fátækt, ásamt Benjamín Júlían, afhentu þingheimi í gær boðmiða á sýninguna.

Einn þingmaður neitaði að taka við miða og strunsaði framhjá hópnum með nefið upp í loftið og leikur grunur á að þar hafi farið varaþingmaður Sjálfstæðisflokksins, Albert Guðmundsson sem situr nú á þingi fyrir Áslaugu Örnu sem er í fríi.
Það hefur þó ekki fengist staðfest með óyggjandi hætti.

Fróðlegt verður að sjá hvaða þingmenn og ráherrar mæta á sýninguna og taka þátt í umræðum um efni hennar að henni lokini.
Mun listinn yfir skrópara verða birtur hér á skandall.is um eða eftir helgina ásamt fleira efni tengdu sýningunni og umræðunum sem fram fara á eftir.

Skoðað: 3682

Jack Daniels

Jack Hrafnkell Daníelsson er fæddur í lok janúar 1965 í Reykjavík en ólst upp á sveitabæ á Snæfellsnesi.
Ég hef alltaf haft mikin áhuga á fréttum og stjórnmálum ásamt öllu því sem fylgr því en eitt af því er þegar stjórnmálafólk getur ekki verið heiðarlegt.
Ég hef á síðari árum einbeitt mér mest að skrfum um málefni öryrkja, aldraðra og þeirra sem erfiðast eiga með að verja sig gagnvart því gríðarlega óréttlæti sem þessir hópar þurfa að búa við.
Ég hef alltaf átt erfitt með að horfa upp á óréttlæti og slæma framkomu við minnihlutahópa því stofnaði ég þennan vettvang til að leyfa rödd þeirra að heyrast í þjóðfélaginu.
Í seinni tíð hef ég meira einbeitt mér að því að skoða staðreyndavillur í umræðunni, benda á þær og sýna fram á staðreyndir með heimildum, tenglum og rökum.