Treystir einhver þessari konu?

Skoðað: 3897

Vigdís kallar öryrkja afætur á kerfinu.

Vigdís heitir kona og er Hauksdóttir.  Hún stígur núna fram sem borgarfulltrúi Miðflokksins og reynir að telja almenningi trú um að hún beri hag þess fyrir brjósti með stórkallalegum yfirlýsingum um að grípa þurfi strax til aðgerða í málefnum heimilislausra í Reykjavík.
Á Wikipedia er grein um hana og meðfylgjandi mynd þar sem ein setning er sérstaklega rauðmerkt lýsir vel hugmyndafræði hennar og áherslum og ætti í raun að vera fólki víti til varnaðar, sérstaklega öryrkjum og eldri borgurum, að hleypa þessari konu aldrei til valda.

Það er því furðulegt og algjörlega í ósamræmi við hugmyndafræði hennar að hún ætli sér að taka að sér að bæta aðstæður þessa fólks sem er á götunni því að sumu leiti er það þar vegna aðgerða hennar sem formaður fjárlaganefndar á sínum tíma þegar hún ásakaði öryrkja um að stela allt að tíu milljörðum úr almannatryggingakerfinu.

„Við erum ánægð með það að þau hafi brugðist hratt við og haldið aukafund í borgarráði og vísa ég nú í yfirlýsingu okkar með það að heimilislausir fá ekki sumarfrí frá áhyggjum sínum.“

Ástæðan fyrir því að minnihlutinn kallaði eftir fundi segir Vigdís að sé vegna ófremdarástands heimilislausra. „Engin viðbrögð, ekkert gert og sumarið er að klárast. Við ætlum að mæta til fundar með tillögur til úrbóta og vonast til að meirihlutinn vakni nú af þyrnirósarsvefni sínum.“

„Þetta álit umboðsmanns Alþingis, þar sem borgin fær falleinkunn í þessum málaflokki, virðist ekki hafa vakið þau. Svo er vísað í að þessi málaflokkur sé inn í  stjórnarsáttmálanum og það eigi að bjarga öllu en eins og ég hef nú sagt á Facebook þá búa heimilislausir hvorki í stjórnarsáttmálanum né í glærusýningum. Við viljum aðgerðir strax,“ segir Vigdís.

Flestir ættu nú að þekkja yfirlýsingagleði þessarar konu þegar orðið “strax” og hún eru sett í samhengi því þegar hún var í ríkisstjórn Sigmundar Davíðs og formaður fjárlaganefndar var þetta orð, “strax” í hennar huga bæði loðið og teygjanlegt, eins og ónefndur líkamshluti.

En hvað sem öllu líður þá er það ljóst að leysa þarf húsnæðisvandan í Reykjavík og það hefði átt að gerast miklu fyrr því það er of seint að byrgja bokkuna þegar barnið er dottið í það.

Skoðað: 3897

Umsagnir eru á ábyrgð þess sem þær skrifa

umsagnir