Skandall

Sannleikurinn er sagna bestur

Sigmundur Davíð er skrópagemlingur og mætir illa eða ekki í vinnuna. Þarf að fara að beita svona letingja sektum eða reka þá

Skoðað: 1924

Innrætið og réttnefnið á frönsku og íslensku

Sigmundur Davíð Gunnlaugsson fékk á sig mikla gagnrýni á síðasta kjörtímabili þegar hann starfaði sem forsætisráðherra vegna lítillar viðveru í þinginu.
Nú ber svo við að búið er að taka saman mætinguna hjá honum þegar 140 dagar eru liðnir frá því hann var síðast viðstaddur atkvæðagreiðslu alþingis.  Samantektin hér að neðan er fengin af facebook og hefur fengið litla athygli enn sem komið er.

Í dag eru 140 (hundraðogfjörutíu) dagar síðan Sigmundur Davíð Gunnlaugsson var seinast viðstaddur atkvæðagreiðslu á Alþingi. Alls hefur hann verið viðstaddur einungis 12,8% atkvæðagreiðslna á þessu þingi. Seinast var Sigmundur viðstaddur atkvæðagreiðslu á þingi 22. desember 2016.

Sigmundur er aðalmaður í Utanríkismálanefnd. Af 13 (þrettán) fundum Utanríkismálanefndar hefur Sigmundur mætt einungis 4 sinnum.

Einu sinni 45 mínútum of seint.
Einu sinni 56 mínútum of seint.
Einu sinni 1 klukkustund og 41 mínútu of seint.
Einu sinni 20 mínútum of seint.

Í öll hin 9 (níu) skiptin var Sigmundur fjarverandi á fundum nefndarinnar án þess að boða forföll.

Sigmundur hefur ekki kallað inn varamann sinn á þessu þingi.

Er ekki alveg komin tími til að þessi vesalings þingmannsræfill verði sektaður um svona 100 til 200 þúsund í hvert skipti sem hann skrópar í vinnunni?  Eða hreinlega verði bara rekinn og varamaður kallaður inn?

Það er ansi hætt við því, hvar annarsstaðar í þjóðfélaginu, að hver sá sem væri með aðra eins mætingu og Sigmundur Davíð yrði rekinn úr vinnunni löngu áður en þessum viðmiðum hér að ofan væri náð.

Sigmundur er gjörsamlega gagnslaus sem þingmaður hvað sem hann rífur kjaft á sinni fésbókarsíðu um störf þingsins og ráðherra ríkisstjórnarinar þegar hann getur ekki einu sinni drullast til að mæta í vinnuna og stunda hana eins og aðrir í þessu þjóðfélagi þurfa að gera til að halda henni.

Hvaða fyrirtæki mundi ráða mann með svona fortíð í vinnu?
Það er ansi hætt við að Sigmundur Davíð verði alla tíð blóðsuga á almannafé því hann kemur aldrei til með að geta séð fyrir sér sjálfur haldi hann áfram að haga sér með þessum hætti.

Skoðað: 1924

Umsagnir eru á ábyrgð þess sem þær skrifa

umsagnir

Skandall © 2017
%d bloggers like this: