Píratar brjóta upp fornaldarformið á Alþingi.

Skoðað: 163

Þingmenn Píratar með FO húfur.
Fokk ofbeldi.

,,Það er vont að sitja í þingsal með mönnum sem enga iðrun hafa sýnt gagnvart þeirri kvenfyrirlitningu og níði sem þeir sýndu samstarfsfólki sínu, ásamt fjöldanum öllum af minnihlutahópum á Klaustursupptökunum svokölluðu.“

Þannig hefst færsla Söru Óskarsson á facebook þar sem hún birtir meðfylgjandi mynd af Birni Leví og Þórhildi Sunni samflokksþingmönnum sínum þar sem þau standa sitt hvoru megin við ræðupúlt Alþingis og skarta húfum hvar á stendur FO sem er skammstöfun fyrir ,,Fokk Ofbeldi“
Í pontu stendur Berþór Ólason miðflokksmaður og klausturfari og var gjörningurinn honum til heiðurs.

Sara heldur áfram og lýsir atburðarrásinni sem varð í kjölfarið en annar þingmaður Miðflokksins hneikslaðist á þessu gjörningi og Sara svaraði honum fullum hálsi.

Annar þingmaður Miðflokksins kallaði úr sæti sínu: “Smekklegt!”
Ég sneri mér að honum og sagði að við ættum nú að láta skömmina vera þar sem að hún á heima, hjá þingmanninum í ræðustól.
Hann svaraði: “Þið kunnið enga mannasiði”.
“Kunnum VIÐ enga mannasiði?” Svaraði ég honum og minnti hann á orð umrædds þingmanns á Klaustri.
Gleymdi alveg að minnast á að sá, og klausturvinir hans, standa einmitt í því þessa dagana að kæra öryrkja til persónuverndar, Hæstaréttar o.s.frv
Og láta ekki þar við sitja heldur ásaka hana núna um skipulagðar njósnir í dulargervi og vilja að persónuvernd grafi upp upptökur frá dagsetningunni.
Brjóstumkennanlegt svo ekki sé meira sagt. #Fokkofbeldi#TakkBára

Meðan þingmenn MIðflokksins sem náðust á upptöku á Klausturbar sitja enn á þingi ættu samþingmenn þeirra að láta það vera að væna aðra um dónaskap og ásakanir um mannasiði því ekkert virðist bóla á þeim eiginleikum hjá Miðflokksmönnum.
Píratar eiga þakkir skyldar fyrir að standa uppi í hárinu á siðblindum, óheiðarlegum og hrokafullum þingmönnum, sama hvar í flokki þeir standa með aðgerðum sínum.

Skoðað: 163

Umsagnir eru á ábyrgð þess sem þær skrifa

umsagnir

Updated: 5. febrúar, 2019 — 20:06