Enn lýgur og svíkur Bjarni Ben.

Skoðað: 3610

Mynd Gunnars Karlssonar í Fréttablaðinu 17. nóvember 2018 gefur raunsanna mynd af stöðu mála. Mynd: Gunnar Karlsson

Það ætti að vera löngu hætt að koma fólki á óvart að fjármálaráðherra íslands, Bjarni Benediktsson láti út úr sér ósannindi í ræðum og riti, hvort heldur á samfélagsmiðlum, í fjölmiðlum eða ræðustól Alþingis enda er hann gjörsamlega siðblindur, óheiðarlegur, hrokafullur og algjör dóni þegar hann þarf að svara fyrirspurnum í þingsal.

Fólk má aldrei gleyma því að þessi maður er ábyrgur fyrir 130 þúsund milljón króna afskriftum vegna fyrirtækja sem hann var í forsvari fyrir og allir þessir milljarðar lenda, þegar upp er staðið, á almenningi að borga með einum eða öðrum hætti en á sama tíma átti Bjarni og fjölskylda hans tugi ef ekki hundruð milljarða á aflandsreikningum.

Nýjasti skandallinn hjá Bjarna varð lýðnum ljós í gær þegar Halldóra Mogensen, Pírati og formaður velferðarnefndar komst að því, eiginlega fyrir tilviljun, að Bjarni neitar algjörlega að afnema búsetuskerðingar aldraðra og öryrkja þrátt fyrir að hafa haldið því fram að fjármagnið væri til staðar og það yrði farið strax í að afnema þessar skerðingar.

Hér að neðan er myndband frá umræðum á Alþingi þann 31. janúar síðastliðin, þar sem Guðmundur Ingi Kristinnsson beinir spurningum til Bjarna Ben ásamt svörum Bjarna.

Virðulegi forseti. Varðandi búsetuskerðingarnar, eins og hv. þingmaður kallar það, lít ég þannig á að við þurfum að komast til botns í því hver hin eiginlegu réttindi viðkomandi einstaklinga voru. Að fenginni niðurstöðu um það — en Tryggingastofnun hefur sagt að fara þurfi yfir hvert og eitt mál sérstaklega — skiptir fjármögnun þess í sjálfu sér engu máli vegna þess að þar er bara um lögbundin réttindi að ræða sem við verðum að uppfylla. Það er þá bara loforð sem stendur. Það er þá bara krafa sem fólk á á ríkið og það reiknast af ríkissjóði, hvort sem menn hafa fjármagnað það sérstaklega eða ekki. Við bíðum niðurstöðu þessarar yfirferðar um heildarfjárhæðina.

Hér að neðan er svo ræða Halldóru Mogensen þar sem hún upplýsir að Bjarni sitji á fjármununum sem eiga að fara í afnám búsetuskerðingana og neiti að greiða út þá fjármuni sem þarf til þess.

Það þarf ekki mikla greind eða vit til að átta sig á því að Bjarni lýgur og svíkur algjörlega miskunnarlaust og sér ekkert athugavert við það.
Svona hegðun þarf að stoppa með öllum tiltækum ráðum.

Skoðað: 3610

Umsagnir eru á ábyrgð þess sem þær skrifa

umsagnir